Fri. Dec 3rd, 2021

صحت

  • موسم سرما کا یہ پھل بلڈ پریشر کنٹرول کرنے میں مددگار
    موسم سرما کا یہ پھل بلڈ پریشر کنٹرول کرنے میں مددگار

    بلند فشار خون یا ہائی بلڈ پریشر آج کل ایک عام مرض بن چکا ہے، بی پی کے مریضوں کو اپنا بلڈ پریشر قابو میں رکھنے کے لیے دواؤں کا سہارا لینا پڑتا ہے تاہم کچھ غذائیں بھی یہ کام سر انجام دیتی ہیں۔

    انہی میں سے ایک امرود بھی ہے۔ ماہرین طب کا کہنا ہے کہ امرود بلڈ پریشر کے مریضوں کے لیے نہایت مفید اور مؤثر ہے۔

    سرد تر مزاج کا حامل پھل امرود فرحت بخش اور لذت سے بھرپور ہوتا ہے، امرود میں وٹامن اے اور سی کے علاوہ کیلشیئم بھی پایا جاتا ہے، جو بیماریوں کے خلاف قوت مدافعت پیدا کرتے ہیں۔

    ماہرین کا کہنا ہے کہ امرود میں موجود اجزا خون کی روانی کو کم کر کے بہاؤ متوازن کرنے میں مددگار ثابت ہوتے ہیں، جس سے ہائی بلڈ پریشر سے نجات حاصل کرنے میں مدد ملتی ہے۔

    علاوہ ازیں امرود میں کئی طرح کے وٹامن موجود ہیں جو جسم کو صحت مند رکھنے میں مدد کرتے ہیں۔ امرود دل کی بیماریوں کے لیے بھی مفید ہے۔

    ماہرین کے مطابق امرود جلد کی حفاظت بھی کرتا ہے جبکہ ہاضمہ بہتر بنانے اور وزن کم کرنے میں بھی معاون ثابت ہوسکتا ہے۔

اکانومی

  • ٹی 10 لیگ: دہلی بلز کے ہاتھوں چنئی بریوز کو 10 وکٹوں سے شکست
    ٹی 10 لیگ: دہلی بلز کے ہاتھوں چنئی بریوز کو 10 وکٹوں سے شکست

    ابوظبی: ٹی 10 لیگ کے میچ میں دکن گلیڈی ایٹرزنے بنگلا ٹائیگرز کو 62 رنز سے باآسانی شکست دے دی۔

    تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں دکن گلیڈی ایٹرز کی جانب سے دیے جانے والے 141 رنز کے تعاقب میں بنگلا ٹائیگرز کی ٹیم 78 رنز پر ہمت ہار گئی۔

    ٹام کوہلر کیڈمور نے ٹی 10 لیگ کی سب سے بڑی انفرادی اننگز کھیلی، انہوں نے 39 گیندوں پر 96 رنز بنائے۔

    وندو ہسارنگا نے شاندار بولنگ کرتے ہوئے دو اوورز میں 5 کھلاڑیوں کو پویلین کی راہ دکھائی۔

    اس سے قبل دکن گلیڈی ایٹرز نے 1 وکٹ کے نقصان پر 140 رنز بنائے تھے، ٹام کوہلر 96 اور آندرے رسل نے 26 رنز اسکور کیے تھے۔دونوں کھلاڑیوں نے پہلی وکٹ پر 128 رنز کی شراکت بنائی تھی۔

    دکن گلیڈی ایٹرز نے کامیابی کے ساتھ پوائنٹس ٹیبل پر پہلی پوزیشن حاصل کرلی۔

    دہلی بلز کے ہاتھوں چنئی بریوز کو شکست

    دوسرے میچ میں دہلی بلز نے چنئی بریوز کو دس وکٹوں سے آؤٹ کلاس کردیا۔

    چنئی نے پہلے بیٹنگ کرتے ہوئے 80 رنز بنائے، دہلی نے 81 رنز کا ہدف پانچویں اوورز میں مکمل کرلیا، رحمان اللہ گرباز نے صرف 14 گیندوں پر نصف سنچری بنا کر ٹیم کو کامیابی دلوانے میں اہم کردار ادا کیا۔