Thu. Jan 20th, 2022

کراچی : پیپلزپارٹی کے چیئرمین بلاول بھٹو نے حکومت سے فی الفور پیٹرولیم قیمتیں عالمی منڈی کے مطابق کم کرنے کا مطالبہ کردیا۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے نئے سال کے آغاز پر اپنے بیان میں کہا ہے کہ پیٹرولیم قیمتوں میں اضافہ عوام کوعمران خان کانئےسال کاتحفہ ہے، عمران خان نے دعوے سے کہاتھا 2021 خوشحالی کا سال ہوگا لیکن اب 2022 آگیا، خوش حالی کاوہ دعویٰ کہاں گیا؟

بلاول بھٹو زرداری کا کہنا تھا کہ نئےپاکستان میں ہر سال گزشتہ نسبت زیادہ مہنگا ثابت ہوا، پھر کہتے ہیں گزشتہ حکومتیں نااہل تھیں۔

چیئرمین پی پی نے کہا کہ پیپلزپارٹی کے دور میں تو بدترین عالمی معاشی بحران تھا ، عالمی معاشی بحران کےباوجودہم نےعوام پرمہنگائی کابوجھ نہ ڈالا۔

بلاول بھٹو نے مطالبہ کیا کہ حکومت فی الفور پیٹرولیم قیمتیں عالمی منڈی کے مطابق کم کرے، مہنگائی سےنجات کاواحد حل عمران خان کی حکومت کاخاتمہ ہے۔

گذشتہ روز حکومت نے پیٹرولیم مصنوعات کی قیمتوں میں اضافے کا اعلان کیا تھا ، جس کے ‏مطابق پیٹرول کی قیمت میں4 روپے فی لیٹر اضافہ کیا گیا ہے۔ اضافے کے بعد پیٹرول کی فی لیٹر ‏قیمت 144.82 روپے ہو گئی۔

ہائی اسپیڈڈیزل کی قیمت میں 4روپےفی لیٹراضافہ کیا گیا، جس کے بعد نئی قیمت 141.62 فی ‏لیٹر ہو گئی جبکہ مٹی کا تیل 3روپے95 پیسےاضافے کے ساتھ 113 روپے49 پیسے فی لیٹر ہو گیا اور لائٹ ڈیزل 4 روپے ‏‏15 پیسے اضافے کے ساتھ 111 روپے 21 پیسے ہو گیا۔

Leave a Reply

Your email address will not be published. Required fields are marked *