Thu. Jan 20th, 2022

کراچی: پرواز کی اجازت نہ ملنے کے باوجود قومی ایئرلائن نے ہندو یاتریوں کو پاکستان پہنچا دیا۔

تفصیلات کے مطابق بھارتی سول ایوی ایشن نے پاکستانی ایئر لائن کو اپنی ایئر لائن کے دباؤ پر پرواز کی اجازت دینے سے انکار کر دیا تھا، تاہم پی آئی اے نے متبادل انتظامات کے طور پر یاتریوں کو واہگہ کے ذریعے پاکستان منتقل کیا۔

ہندو یاتریوں کا وفد دہلی سے واہگہ کے راستے لاہور پہنچا، جہاں ان کو پی آئی اے کی خصوصی پرواز کے ذریعے پشاور روانہ کر دیا گیا، واہگہ پہنچنے پر پی آئی اے کے سی ای او ارشد ملک کی جانب سے ڈسٹرکٹ منیجر لاہور عبدالمقدم خان نے وفد کا استقبال کیا۔

واہگہ سے پاکستان ہندو کونسل کے سرپرست ایم این اے رمیش کمار نے یاتریوں کی قیادت کی، اور خصوصی پرواز پر 161 یاتریوں کو لاہور سے پشاور روانہ کیا گیا۔

یاتریوں نے پی آئی اے کی خدمات کو سراہا اور چیف ایگزیکٹو آفیسر ایئر مارشل ارشد ملک کی جانب سے خصوصی مہمان نوازی کا شکریہ ادا کیا۔

مقبوضہ کشمیر کے مندر میں بھگدڑ، 12 یاتری ہلاک

سی ای او پی آئی اے نے اس موقع پر کہا قومی ایئرلائن پاکستان میں مذہبی سیاحت کے فروغ کے لیے خصوصی انتظامات کر رہی ہے، پاکستان میں تمام مذاہب کے ماننے والوں کے مقدس مقامات ہیں جن کی سیاحت کو فروغ دینا ہے۔

Leave a Reply

Your email address will not be published. Required fields are marked *