اسلحہ کی نمائش کرنے والے دو ملزمان کو ناجائز اسلحہ سمیت گرفتار کرکے مقدمات درج کرلئے
تفصیلات کے مطابق ڈی پی او گجرات عمر سلامت کی ہدائیت پر پولیس کا ضلع بھر میں ناجائز اسلحہ برداروں اور نمائش کرنے والے افراد کے خلاف آپریشن جاری ہے۔ جس میں ڈی ایس پی سرائے عالمگیر سعید احمد کی زیر نگرانی ایس ایچ او تھانہ صدر سرائے عالمگیر مجاہدعباس نے پولیس ٹیم کے ہمراہ کاروائی کرکے اسلحہ کی نمائش کرنے والے دو ملزمان کو ناجائز اسلحہ سمیت گرفتار کرلیا۔ گرفتار ملزمان میں ساجد علی ساکن شہانہ لوک ضلع منڈی بہاؤالدین۔2۔ عثمان علی ساکن ضلع منڈی بہاؤالدین شامل ہیں جن سے ناجائز اسلحہ رائفل کلاشنکوف، رائفل 223بور معہ 14میگزین اور 210روند برآمد ہوا۔ پولیس نے گرفتار ملزمان کے خلاف تھانہ صدر سرائے عالمگیر میں الگ الگ مقدمات درج کرکے تفتیش شروع کردی ہے۔