Sun. May 15th, 2022

کوئٹہ : ملکی، بین الاقوامی سطح کے جعلی ڈرائیونگ اور اسلحہ لائسنس بنانے والا گینگ بےنقاب ہوگیا، پولیس کی جعلی ویب سائٹ بھی بنائی گئی تھی۔

تفصیلات کے مطابق ایف آئی اے سائبر کرائم ونگ کے عملے نے لاہور میں کامیاب کارروائی کرتے ہوئے2ملزمان کو گرفتار کرلیا۔

اس حوالے سے ایف آئی اے ذرائع کا کہنا ہے کہ گرفتار ملزمان کے قبضے سے جعلی لائسنس اور دستاویزات برآمد ہوئی ہیں، تفتیش میں حیران کن انکشافات کیے گئے ہیں۔

ایف آئی اے کے مطابق گینگ کے خلاف زیارت پولیس کی شکایت پر کارروائی کی گئی، اسلام آباد کے جعلی اسلحہ لائسنس دو ہزار روپے میں دینے کا بھی انکشاف کیا گیا ہے۔

دوران تفتیش ملزمان نے بتایا کہ لائسنس تصدیق کیلئے ملزمان نے پولیس کی جعلی ویب سائٹ بنائی تھی، گینگ کے دیگر کارندوں کی گرفتاری کیلئے کارروائی جاری ہے۔

Leave a Reply

Your email address will not be published. Required fields are marked *