Sun. May 15th, 2022

اقتصادی رابطہ کمیٹی نے پیٹرولیم ڈیلرز مارجن میں اضافے کی منظوری دیدی۔ ‏

تفصیلات کے مطابق سمری ای سی سی اجلاس کے ایجنڈے میں شامل نہیں تھی تاہم ایڈیشنل ایٹم کے طور پر ‏چیئرمین ای سی سی کی اجازت سے شامل کی گئی۔ پٹرولیم ڈیلرز آور او ایم سی مارجن میں اضافے کی حتمی ‏منظوری وفاقی کابینہ دےگی۔

پیٹرول اور ہائی اسپیڈ ڈیزل پر او ایم سی مارجن میں71پیسے فی لیٹر اضافے کی منظوری دی گئی ہے۔ پیٹرول پر ‏او ایم سی مارجن 2روپے97پیسے سے بڑھ کر 3روپے68پیسے ہو جائے گا۔ پیٹرول پر ڈیلر مارجن میں 99پیسہ فی ‏لیٹر اضافے کی منظوری دی گئی ہے جس کے بعد پیٹرول پر ڈیلر مارجن 3روپے91پیسے سے بڑھ کر ‏‏4روپے90پیسے ہو جائے گا۔

ہائی اسپیڈ ڈیزل پر او ایم سی مارجن 2روپے97پیسے سے بڑھ کر3روپے68پیسے ہو جائے گا۔ ہائی اسپیڈ ڈیزل پر ‏ڈیلر مارجن میں 83پیسے فی لیٹر اضافے کی منظوری دی گئی ہے۔

ہائی اسپیڈ ڈیزل پر ڈیلر مارجن 3روپے30پیسے سے بڑھ کر 4روپے 13پیسے فی لیٹر ہو جائے گا۔

Leave a Reply

Your email address will not be published. Required fields are marked *